Nemendaverndarráð

Starfsemi nemendaverndarráðs Flóaskóla fer samkvæmt grunnskólalögum 91/2008 og  V.kafla reglugerðar um sérfræðiþjónustu og nemendaverndarráð í grunnskólum 584/2010.
Í nemendaverndarráði eiga sæti: skólastjóri, deildarstjóri, hjúkrunarfræðingur skólans, sálfræðingur skólans, fulltrúi frá félagsþjónustu, náms- og starfsráðgjafi og fulltrúar stoðþjónustu skólans.

Hlutverk

• að samræma skipulag og framkvæmd þjónustu við nemendur varðandi sérkennslu, heilsugæslu og aðra sérfræðiþjónustu
• að vera skólastjórnendum til aðstoðar við gerð og framkvæmd áætlana um sérstaka aðstoð við nemendur skv. reglugerð um nemendaverndarráð í grunnskólum
• að starfa að velferðarmálum nemenda.

Starfsfyrirkomulag

• Fundir eru haldnir á 4-6 vikna fresti. 
  
• Starfsmenn skólans geta óskað eftir fundi í nemendaverndarráði um sérstök málefni með því að fylla út beiðni og koma henni til skólastjórnenda. Umsjónarkennari getur óskað eftir umfjöllun nemendaverndarráðs um umsjónarnemanda sinn eða nemendahóp og skal kennarinn gera foreldrum viðvart um umfjöllunina fyrir fundinn. Umsjónarkennari getur óskað eftir að sitja á fundi á meðan málefni hans nemanda eru rædd.
  
• Leitast er við að taka málefni fyrir eins skjótt og hægt er eftir að beiðni berst. 
  
• Nemendaverndarráð skráir stöðu málsins, fjallar um það faglega, leggur fram tillögur og fylgist með framvindu mála. 
  
• Ráðið getur kallað á sinn fund þá aðila innan skólans og utan sem það telur að geti upplýst sig um ákveðin málefni. 
  
• Full trúnaðarskylda fundarmanna gildir á öllum fundum nemendaverndaráðs.